Inspektorati Policor i Kosovës njofton se i ka rekomanduar Policisë së Kosovës suspendimin e një togeri policor, respektivisht Komandantit të Stacionit Policor të Skenderajt.

IPK bënë të ditur se ka filluar hetim disiplinor nën dyshimin se i njëjti së bashku me vartësit e tij kanë kryer shkelje të rëndë disiplinore -“Sjellje e rëndë diskredituese”, përcjell Arbresh.info.

Togeri policor së bashku me disa zyrtarë kanë shkruar për ngushëllime tek familja e Faton Hajrizit, duke kryer kështu shkelje të rëndë disiplinore.

Lexo edhe:

Policia e Kosovës në të pamën e Faton Hajrizit, eksperti i sigurisë kërkon veprim urgjent institucional

“IPK ka pranuar informatat e para për këtë rast nga Policia e Kosovës dhe dyshohet se togeri policor së bashku me disa zyrtarë të tjerë policorë kanë shkuar për ngushëllime te familja e një personi i cili para disa jave kishte ikur nga Qendra Korrektuese në Smrekonicë, ku ishte duke vuajtur dënimin me burgim për disa vepra penale, (dhe së fundi i njëjti është vrarë në territorin e Republikës së Serbisë nga policia atje)”, thuhet në njoftim.

“Me këto veprime dyshohet se togeri policor dhe vartësit e tij kanë kryer shkelje të rëndë disiplinore -“Sjellje e rëndë diskredituese” e paraparë me aktet nënligjore të Policisë së Kosovës. Veprimet tjera hetimore do të ndërmerren nga hetuesit e IPK-së bazuar në fushëveprimin dhe autorizimet ligjore të Inspektoratit Policor”, njofton IPK./Arbresh.info